Ӱярня (марла)

Коллекция мультимедиа. Марийские праздники, обряды, устное народное творчество. Ӱярня марий калыкын ик эн тошто пайремже. Тудо телым ужата, шошым вашлиеш, совет жапыште тудым Телым ужатымаш пайрем семын палемдыме. Кечышот почеш Ӱярня куснылшо пайрем. Тудо Шорыкйол эртыме деч вара шым арня гыч пура, февраль але март тылзылан толеш. Ӱярня пайремым пеш веселан эртареныт. Озаватевлак Ӱярня мелнам лыҥак кӱэштыныт. Тыгак ӱячам, эгерчым, перемечым, тӱрлӧ кӧрган когыльым, ӱян туарам, шоҥешталтше пурам пайрем ӱстелыш ямдыленыт, унавлакым шунен пукшеныт. Нунын толмыштлан еш моткоч йывыртен, молан манаш гын уна пиалым конда манын ӱшанен. Калык мотор марий вургемым чиен, лыжга марий мурым йоҥгалтарен, куштен, шуршым почкен. Ӱярня годым марийвлак мунчалташ йолгурыкым ыштеныт. Мужырынмужырын, кид кучен шогалын мунчалтеныт. Ӱярня арнян пытартыш кечынже, суртпечыште погынышо куштырам поген йӱлалтеныт Ӱярня каен Вес ийлан адак тол , манын кычкырен, тулото ӱмбач тӧрштылыныт, ломыжым пакчаш але пасуш шавеныт.